Talabalarda axborot madaniyatini shakllantirish pedagogik muammo sifatida

Abstract

So’ngi o’tgan yillarda, talabalar va yoshlarga axborot madaniyatini shakllantirish pedagogik muhim bir muammo sifatida qaralmoqda. Ammo, biz bu muammolarga bir necha yechim va takliflar bera olamiz. Ushbu aqolada talabalarda axborot madaniyatini shakllantirishning dolzarb pedagogik masalalari yoritilgan. Axborot texnologiyalarining jadal rivojlanishi zamonaviy ta’lim tizimida yangicha yondashuvlarni talab qilmoqda. Shu nuqtai nazardan, talabalarning axborot bilan ongli, tanqidiy va samarali ishlash ko‘nikmalarini shakllantirish muhim pedagogik vazifa sifatida ko‘rilmoqda. Tadqiqotda axborot madaniyatining mohiyati, uning tarkibiy qismlari, ta’lim jarayonidagi o‘rni hamda uni rivojlantirishga doir samarali metodik yondashuvlar tahlil etilgan. Shuningdek, o‘quv jarayonida raqamli resurslardan foydalanish, axborot xavfsizligi madaniyatini oshirish, manbalarni tanqidiy tahlil qilish kabi ko‘nikmalarning ahamiyati ko‘rsatib berilgan. Pedagogik muammo sifatida bu jarayonning murakkabligi, tizimlilik va izchillik talab qilishi alohida ta’kidlangan.